កម្មករសំណង់ឈ្នះរង្វាន់ធំឆ្នោតខ្មែរភ្លាម ទិញម៉ូតូកង់បីប្រកបរបរថ្មីយ៉ាងសមរម្យ
17-August-2016 | ដោយ មែន កំសត់
ភ្នំពេញ៖លោក ម៉ី ផាន់ណា គឺជាអតិថិជនដែលមានសំណាងឈ្នះរង្វាន់ធំក្នុងខែសីហានេះនូវទឹកប្រាក់ចំនួន១២លានរៀល ពីក្រុមហ៊ុនឆ្នោតខ្មែរ ដែលជាក្រុមហ៊ុនទទួលបានអាជ្ញាប័ណ្ណស្របច្បាប់ពីរដ្ឋាភិបាលកម្ពុជា។
លោក ផាន់ណា ដែលមានវ័យ៥៤ឆ្នាំ មានទីកន្លែងកំណើតនៅខេត្តកំពង់ចាម និងបច្ចុប្បន្នគឺជាកម្មករសំណង់បម្រើការនៅរាជធានីភ្នំពេញបានឈ្នះរង្វាន់ធំមួយនេះ កាលពីសប្តាហ៍មុនពីក្រុមហ៊ុនឆ្នោតខ្មែរ ដោយលោកគ្រាន់តែចំណាយតែ៦០០រៀលតែប៉ុណ្ណោះ។ ចំនួនទឹកប្រាក់នេះលោក ផាន់ណាបានឲ្យបណ្តាញឃោសនាដឹងនាព្រឹកថ្ងៃទី១០ខែសីហាឆ្នាំ២០១៦នៅក្រុមហ៊ុនឆ្នោតខ្មែរដែលមានទីតាំងនៅស្ទឹងមានជ័យថារង្វាន់ធំពីឆ្នោតខ្មែរនេះបានធ្វើការផ្លាស់ប្ដូរ និងលើកស្ទួយកម្រិតជីវភាពរបស់លោកដែលជាបុរសពោះម៉ាយ និងមានកូន៣នាក់រូបនេះពីកម្មករសំណង់មកមានលទ្ធភាពក្នុងការប្រកបរបរខ្លួនឯងបានដោយឯករាជ្យ។ លោកបានមានប្រសាសន៍ថាបន្ទាប់ពីគាត់បានទទួលប្រាក់រង្វាន់ក្នុងថ្ងៃនោះភ្លាម លោកបានយកប្រាក់នេះមកទិញម៉ូតូកង់បីដែលមានតម្លៃជិត ២ ពាន់ដុល្លាររួចរាល់ហើយដើម្បីផ្លាស់ប្ដូរអាជីវកម្មករមករកស៊ីខ្លួនឯងវិញ។
លោក ផាន់ណា បានប្រសាសន៍ថា៖ «ខ្ញុំពិតជាមានអារម្មណ៍រំភើបខ្លាំងណាស់ នៅពេលដែលពិនិត្យសន្លឹកឆ្នោតទៅ គឺខ្ញុំឈ្នះរង្វាន់ ហើយនេះគឺជារង្វាន់ពិតៗដោយខ្ញុំគ្រាន់តែចំណាយត្រឹមតែ ៦០០រៀលប៉ុណ្ណោះក្នុងថ្ងៃនោះ តែឥឡូវនេះគឺខ្ញុំអាចមានលទ្ធភាពផ្លាស់ប្ដូររបរថ្មីបានហើយ»។ លោកបានបន្តទៀតថា លោកទិញឆ្នោតផ្សងសំណាងនេះតាមរយៈភ្នាក់ងារលក់ឆ្នោតខ្មែរ ដែលនៅជិតផ្ទះជួលរបស់លោកស្នាក់នៅ។ បើទោះជាលោកឈ្នះរួចហើយក៏ដោយ ក៏លោកនៅតែបន្តគាំទ្រជាវឆ្នោតនេះដដែល។
លោក ពេជ្រ ចិត្រា នាយកប្រតិបត្តិរបស់ក្រុមហ៊ុនឆ្នោតខ្មែរ ធ្លាប់មានប្រសាសន៍ថា អតិថិជនគ្រប់រូបគ្រាន់តែចំណាយប្រាក់តែប៉ុន្មានរយរៀលដែលបានសល់ពីលុយអាប់ទុកចោលឬលុយកាត់បន្ថយពីការទិញស្រាសរ ឬលុយចំណាយចោលខុសខ្ទង់ ដើម្បីយកមកផ្សងសំណាងកម្សាន្ត ហើយអាចនឹងមានសំណាងឈ្នះប្រាក់រាប់លានរៀល។
លោកបានក៏បានបញ្ជាក់ផងដែរថា ឆ្នោតខ្មែរផ្សងសំណាងមានលក្ខណៈផ្ទុយស្រឡះដាច់ដោយឡែកពីល្បែងស៊ីសងផ្សេងៗត្រង់ថាឆ្នោតខ្មែរគឺជាទម្រង់នៃការកម្សាន្តផ្សងសំណាងប្រចាំថ្ងៃជាមួយនឹងទឹកប្រាក់ប៉ន្មានរយរៀលតែប៉ុណ្ណោះក្នុងចំណោមមនុស្សច្រើននាក់ ចំណែកឯល្បែងស៊ីសងវិញមានមនុស្សតែមួយក្ដាប់តូចយកលុយកាក់យ៉ាងច្រើនរបស់ក្រុមគ្រួសារដែលបានមកពីការប្រកបរបរផ្សេងៗ យ៉ាងលំបាកវេទនាទៅលេងល្បែងស៊ីសងជាមួយនឹងទឹកប្រាក់យ៉ាងធំដែលធ្វើឲ្យប៉ះពាល់ដល់ជីវភាពរស់នៅប្រចាំ និងខូចសណ្ដាប់ធ្នាប់ដល់សង្គម។ ជាក់ស្ដែងចំពោះអតិថិជនដែលជាអ្នកឈ្នះរង្វាន់ធំក្នុងខែនេះ គឺជាកម្មករសំណង់ដែលលោកគ្មានក្តីរំពឹងថា នឹងអាចផ្លាស់ប្ដូរអាជីពមួយនេះបានឡើយដោយសារគ្មានលទ្ធភាពប្រកបរបរផ្សេង។
«គាត់គឺជាកម្មករសំណង់ និងគ្មានលទ្ធភាពក្នុងការប្រកបមុខរបរអ្វីផ្សេងនោះទេ តែឥឡូវនេះគឺគាត់ឈ្នះរង្វាន់នេះ ដែលអាចបើកលទ្ធភាពឲ្យគាត់ទិញម៉ូតូកង់បីបានហើយ ដែលនេះគឺជាមុខរបរថ្មីរបស់គាត់»។ នេះបើយោងតាមការលើកឡើងរបស់លោក ចិត្រា។ ឆ្លៀតក្នុងឱកាសនោះដែរលោកនាយកប្រតិបត្តិសូមអំពាវនាវដល់ភ្នាក់ងារលក់ឆ្នោតខ្មែរគ្រប់ខេត្តក្រុងបន្តប្រតិបត្តិការលក់ឆ្នោតខ្មែរដោយស្របច្បាប់ដើម្បីទទួលបានផលប្រយោជន៍ និងកំរៃជើងសារយ៉ាងសមរម្យសម្រាប់ជីវភាពប្រចាំថ្ងៃ។ លោកបានថ្លែងបន្តទៀតថា៖ «ក្រុមហ៊ុនឆ្នោតខ្មែរយើងខ្ញុំលើកទឹកចិត្តដល់ប្រជាពលរដ្ឋយើងទាំងអស់ក្នុងការសាកល្បងសន្សំប្រាក់ត្រឹមតែ ១០០រៀលតែប៉ុណ្ណោះក្នុងមួយថ្ងៃក្នុងការផ្សងសំណាង ប្រសិនបើពួកគាត់មានសំណាង នោះវានឹងធ្វើការផ្លាស់ប្ដូរជីវិតរស់នៅរបស់ពួកគាត់ ហើយប្រសិនជាពួកគាត់គ្មានសំណាងនោះទេ ក៏នឹងមិនមានផលអ្វីអាក្រក់នោះដែរ»។
ក្រុមហ៊ុនឆ្នោតខ្មែរ បានចាប់ដៃគូសហការជាមួយក្រុមហ៊ុនបម្រើសេវាទូរស័ព្ទចល័ត CooTel038 ដើម្បីលក់ឆ្នោតតាមប្រពន្ធ័អ៊ីនធឺណិតដោយបានទទួលអាជ្ញាប័ណ្ណស្របច្បាប់ពីក្រសួងសេដ្ឋកិច្ច និងហិរញ្ញវត្ថុ ចាប់តាំងឆ្នាំ២០១៥មកម្ល៉េះ។
ក្រុមហ៊ុនត្រូវបានវិនិយោគក្នុងទឹកប្រាក់ជាច្រើនលានដុល្លារសហរដ្ឋអាមេរិក ហើយបានដាក់សម្ពោធដំណើរការជាផ្លូវការនៅពាក់កណ្តាលខែធ្នូ ឆ្នាំ២០១៥ កន្លងទៅនេះ។ ការដាក់ដំណើរការនូវក្រុមហ៊ុនឆ្នោតខ្មែរ នេះ ក្នុងគោលបំណងដើម្បីទប់ស្កាត់ និងកាត់បន្ថយការលេងឆ្នោតមិនមានច្បាប់នេះ ក្រុមហ៊ុនក៏មានការតម្កល់ប្រាក់នៅធនាគារជាតិនៃកម្ពុជា ផងដែរក្នុងផ្តល់សេចក្តីទុកចិត្តដល់សាធារណជន។
លោក ចិត្រា បានថ្លែងបន្តទៀតថា៖ «ក្រុមហ៊ុនឆ្នោតខ្មែរ គឺជាក្រុមហ៊ុនដែលចុះបញ្ជីស្របច្បាប់ ដូច្នេះគឺយើងមានការទទួលខុសត្រូវពេញលេញតែម្តង។ យើងចង់ធ្វើការកាត់បន្ថយ និងទប់ស្កាត់បណ្តាក្រុមហ៊ុនឆ្នោតដែលមិនស្របច្បាប់ទាំងឡាយ»។ក្រុមហ៊ុនឆ្នោតខ្មែរ គឺមិនត្រឹមតែជាក្រុមហ៊ុនឯកជនដែលសំដៅតែរកប្រាក់ចំណេញតែមួយមុខនោះទេ គឺក្រុមហ៊ុនបានចូលរួមក្នុងការអភិវឌ្ឍសេដ្ឋកិច្ចសង្គមផងដែរ ដោយយកថវិកាមួយចំនួនរបស់ខ្លួន ទៅជួយក្នុងការងារមនុស្សធម៌ តាមបណ្តាខេត្តមួយចំនួនរួចទៅហើយរួមមាន ខេត្តតាកែវ ព្រៃវែង បាត់ដំបង ប៉ៃលិន ជាដើម។
សម្រាប់ព័ត៌មានបន្ថែមដើម្បីក្លាយជាភ្នាក់ងារលក់ឆ្នោតខ្មែរសូមហៅមកលេខ ០៣៨ ៣៣៣ ៨៨៨៨, ០១៥៩១០៨៧០, ០៩៦ ៨៨៨៨៨១១៕
ចំនួនអ្នកទស្សនា
- ថ្ងៃនេះ3271
- ម្សិលមិញ3511
- សប្តាហ៍នេះ15921
- ខែនេះ241591
- ឆ្នាំនេះ241591
- សរុប20684047